Nunnak Petu Thawngṭha

Phungthkukbia ahcun Bawipa ttih hi fimnak hramthoknak asi a ti i  Bawipa ttihzah cu sual huat hi asi tiin a fehter (phungthlukbia 8:13). Job nih cun Pathian ttih hi  fimnak cu asi i tthatlonak hrial hi hngalthiamnak cu asi a ti ve (Job 28:28). Jeremiah nih cun Pathian lung tongmi Tuukhal nih fimnak le hngalhnak in an cawm hna lai ati tikah fimnak hrampi le hngalhthiamnak a ratnak le a ngeitu cu Pathian lung a tongmi Tuukhal pa sin hin asi ti cu a fiang! Pathian lung a tongmi Tuukhal cu Jesuh Khrih asi, Pathian nih a chim bangin a lung tongmi Tuukhal cu a kan pek diam cang. Nihin ah Thlarau in siseh taksa in siseh fimnak le hngalhnak hmuh a duhmi vialte hna chimh kan duhmi hna cu na tuah khawh chungin i zuam hmanh law na duhnak le naa tinhnak taktak cu na phanh kho bal lai lo. Naa tinhnak le na duhnak taktak na phanh khawhnak dingah cun tawh pakhat lawng a um i cucu minung fimnak le hngalhnak lawng hmanh si loin Pathian fimnak le hngalhnak aa thupmi tiang hmanh a ong d...

Jesuh vawlei a rat chanh cu kalnak lam a hmu kho bak lomi  bawmh a herh ko nain bawmtu a ngeilomi Keimah bantuk hna caah hin asi. Jesuh nih a duhbikmi cu sining tein chim hi asi i hmuhmi kha hmuh ti i hmuh lomi cu ka hmu lo e ti hi a duhmi asi. Mitcawpa nih a mit cawt ai hngalh bantukin a dam i khua a hmuh taktak cang zong kha al awk tthalo in a hngalh ve. Amen! Khua a hmu ngai lawh ttung i hor ah a tla ding tampi an um. Sihmanhsehlaw Thlarau ah mit dei ttunglo i ka dei ko a timi hna caah Jesuh a ra lo i Thlarau mitcaw asi aa hngalmi bawmh ding tuah ara. Amen! Minung tampi cu ka Thlarau mit a dei ko a ti ruang teah hin sual phawtnak cu anmah tein an cungah an i tanter peng rih ko. Cucaah cun Thlarau mitcaw na si ahcun na mit cawt na hngalh i damtertu ah Jesuh na thim ahcun fiangput in na Thlarau mit a dei kha na hngalh ve ko lai. Amen! Jesuh nih damter ai foih bikmi cu mah damlonak i hngalhnak hin asi. Amen! Damlo nain ka dam ko ti cang ahcun damter awk a ttha in kan ttha hri...

KA THIHNAK IN THAWHTTHANNAK A HNGALTU TEHTE CU NANMAH HI NAN SI NAIN TTHAWNNAK (THIANG THLARAU) KHA NAN CUNG AH A TLUN HLAN TIANG CU JERUSALEM IN HNGAK KO UH.... TTHAWNNAK NA CUNGAH A TLUN TIKAH JERUSALEM THOK IN VAWLEI KHUAZAKIP AH KA THAWNGTHA VA CHIM ULAW KA TEHTE VA SI UH TIAH A CAH TAK HNA. AMEN! JESUH KHRIH TIHNAK LE THAWHTTHANNAK KONG HI NA HNGAL TUK KO LAI, NA CHIM THIAM TUK KO LAI SIHMANHSEHLAW JESUH NIH A KAN CAHTAKMI CU KEIMAH HRIMHRIM NIH KA VAN THLAH LAIMI BAWMTU THIANG THLARAU NAN CUNGAH A TLUN HLAN TIANG HNGAK KO UH TI HI ASI. THIANG THLARAU NEI LOMI NIH THAWNGTHA CHIMNAK NAWL KAN NGEI LO I SANTLAIHNAK ZONG A NGEI HRIMHRIM LAI LO. THIANG THLARAU NA CUNGAH A TLUN CANG TUAH CUN CHIM KO. RIAN A TUANTU CU AMAH ASI KO LAI I MI THINLUNG VIALTE A DAHTER KO HNA LAI. AMEN! LUKA 24:48 Cun nannih cu hi thil vialte a hngaltu tehte nan si. LUKA 24:49 Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in ṭhawnnak kha n...

A hodah vawlei Khamh awkah a rami pa hi asi? A hodah thisen puan ai in a rami hi asi? A hodah mi vialte caah a pum cu puan bangin a thlektu hi asi? A hodah sunparnak le tthawnnak in aa thuam i a kalmi hi asi? A hodah khamhnak thanhtu hi asi? A hodah mi vialte khamh awk i tthawnnak a ngeimi cu asi? A ho dah sualnak kalpi tu hi asi? A hodah Nunnak petu hi asi? A hodah Thlarau cu asi? A hodah lawmhnak le daihnak petu hi asi? A hodah dawtnak hi asi? A hodah Keimah hi ka si? Keimah cu Keimah ka si ko a titu Pathian, minung si ning in arami Pathian Fapa Jesuh Khrih kha asi. Pathian hrimhrim nih Amah cu Keimah Pathian ka si a ti. Amen... Amen... Amen... ISAIAH 63:1 "Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

Bawipa lawmhter na duh ahcun mah hna hi zumhnak he rak tuah hna law rak i nunpi ve hna: 1) Na tuah ciami sualnak rak i ngaihchih. Na tuah ciami sualnak ngaihthiam hi na lungthin tak in naa ngaihchih ko ahcun Bawipa nih ai foihte nain na tuah liomi sualnak le na tuah lai mi sualnak hna hi Bawipa nih ngaihthiam ai harh tuk. Chimhrinnak le dantatnak pek loin cun an ngaihthiam lai lo. 2) Mi toiah rak i dor. Mi toidor cu mi cung kailo hi asi ko...  3) Zeizong vialte cungah le zei tik caan paoh ah le na tuahmi vialte cungah Pathian rak ttih... 4) Zeizong vialte cungah le zei tik caan paoh ah le Bawipa fial ningin na tuahmi vialte cungah Pathian nawl rak ngai. Pathian nawl ngaih kan timi cu an fial ning tein arian na lim khi a nawl ngaih cu a si ko. Mah hi a tuahmi hna cungah ka lung aa lawm tiah Bawipa nih a ti... —- ISAIAH 66:2 Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

ISAIAH 63:17 Zeicahdah na lam zul loin na kan pialter? Zeicahdah kan lung na kan hahter i nangmah cu kan in mertak? Nangmah na rian a ṭuanmi hna ruangah le nangmah mi a si zungzal komi hna ruangah, ra kir ko sawh.

Minung vialte nih tei kan i harh cemmi hi kanmah taksa duhnak tei hi asi. Zei ruangah asi tiah cun Adam le Eve thok in anmah thimnak le duhnak in a hlen khawh hna caah hin anmah ci ruang in a chuakmi kanmah cio zong hlen kan fawinak bik cu kanmah taksa duhnak hin asi ve. Satan nih taksa sual duhnak hmang in a kan hlen i thihnak leiah a kan kalpi (sualman cu thihnak asi nain Jesuh Khrih rat hnu ahcun zumhlo ruang tu hi thihnak asi cang).  Zumlotu chimlo zumtu ai timi tampi hmanh nih kanmah duhnak kan i tei tawn lo caah Thlarau in tthan ding tluk in kan tthang kho tawnl loh. Thlarau in na tthannak ah an don cemtu cu midang si loin nangmah taksa duhnak te kha asi ko lai. Na taksa duhnak tuahmi vialte hi Thlarau duhlomi asi chung poah cu Pathian aw cu tampi na hngal kho bal lai lo. Pathian aw fiang tein an hngalhtertu cu Thiang Thlarau asi. Amen!             Zeibantuk poah sihmanhsehlaw Pathian biakamhmi pakhat kan ngei i cu cu hi hi asi: Nan su...

ISAIAH 58:6 "Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u. ISAIAH 58:7 A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si. ISAIAH 58:8 "Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai. ISAIAH 58:9 Thla nan cam tikah kan leh hna lai. Nan ka chawnh tikah kan chawnh ve hna lai. "Hremnak le nautatnak le holh ṭha lo kha nan ngol i ISAIAH 58:10 rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai. ISAIAH 58:11 Cun nannih...

ISAIAH 56:10 A thawh hna i, "Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran. ISAIAH 56:11 A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

ISAIAH 54:7 "Caan tawite chung cu kan kaltak, sihmanhsehlaw dawtnak thukpi he kan lak ṭhan. ISAIAH 54:9 "Noah chan ah biakamnak ka rak tuah i, vawlei cungah buanchukcho ka tlunter ti lai lo, ka rak ti. Atu na sinah biakamnak ka ser ve i na cungah ka thin a hung ti lai lo i kan mawhchiat ti lai lo, dan zong kan tat ti lai lo, ka ti. ISAIAH 54:10 Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai," tiah nangmah an dawtu Bawipa nih a ti.

LUKA 14:25 Jesuh sinah cun mi tampi an kal ve. Aa mer i a thawh hna i LUKA 14:26 "Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo. LUKA 14:27 A vailam tahnak kha aa put i a ka zul lomi cu a ka zultu a si kho lo. LUKA 14:33 Cu bantuk ṭhiamṭhiam in nannih zong, nan ngeihmi vialte kha nan hlawt dih lo ahcun, ka zultu nan si kho lai lo," tiah a ti hna.

SUALNAK PHUNZAKIP NIH A RAK KA THAH, A TU CU JESUH KHRIH THAWNGIN KA NUNG CANG. AMEN! BAWIPA NIH ZEI A TI NA THEI MA? A HLAN AH A RAK THI I PEI A TU CU A NUN TTHAN CU, A RAK TLAU I PEI A TU CU HMUHTTHAN ASI CANG CU, KAA LAWM HRIMHRIM AWK ASI KO TIAH ATI. AMEN..... LUKA 15:30 Sihmanhsehlaw hi na fapa, thilri vialte hlawhhlangnu sin i a hlolak dihtu hi inn i a hung tlun ṭhan tikah caw thaute kha na thahpiak!' tiah a ti. LUKA 15:31 Cun a pa nih cun a leh i, 'Ka fapa, nang cu inn ah a zungzal in na um i ka ngeihmi vialte cu na ta an si dih. LUKA 15:32 Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,' tiah a leh," tiah a ti.

LUKA 15:7 Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai," tiah a ti. LUKA 15:19 Na fa ti awk ka tlak ti lo; na kuli pakhat bantukin ka chia ve ko," ka ti lai,' a ti. LUKA 15:20 Cucaah a tho i a pa sinlei kir ah cun aa thawh. "Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh. LUKA 15:21 A fapa nih cun, 'Ka pa, Pathian sin le nangmah sinah ka sual cang. Na fapa ti awk ka tlak ti lo,' tiah a ti. LUKA 15:24 Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,' a ti. Cun cuticun puai tuah hram cu an thawk.

ISAIAH 55:1 Bawipa nih aa thawh i, "Ti a halmi paoh ra tuah u, hika ah hin ti a um. Tangka zeihmanh a ngei lomi hna ra tuah u, rawl kha i cawk u law ei tuah u. Ra u law mitsur zu le cawhnuk kha i cawk hna u — a man zeihmanh pek a hau lai lo. ISAIAH 55:3 "Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai. ISAIAH 55:7 Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

PATHIAN PENNAK HI A ZUNGZAL IN BIAPI BIK I NA RUAH PENG KO AHCUN..... =========+++++++========== Pathian pennak hi a biapi bik in na ruah zungzal ko ahcun na herhmi thil vialte an pek ko lai. Amen!!! Na herhmi vialte lakah a biapi bik cu Thiang Thlarau asi. Amen! Zumtu mi hna caah Thiang Thlarau ngaihchiatter lo hi a biapi cem. Amen! Thiang Thlarau a ngeih na chiatter lengmang ahcun na tthawng kho bal lai lo. Na nun chung vialte Thiang Thlarau hruainak hi na duhnak nganbik asi ko ahcun Jesuh nih bia a kan kamhmi tthawnnak cu kan ta asi ko lai. Amen!Thiang Thlarau hruainak tampi kan hngalh khawhnak ding ahcun Pathian Bia tampi rel i Relmi chungin nunpinak le thlacamnak he kan zulh tikah Thiang Thlarau hruainak zulh kan thiam. Amen! Thiang Thlarau Aw zulh na thiam ahcun na herhmi vialte kha pek na si ko lai. Amen!        Pathian kamhmi vialte thluachuah na hmuh khawhnak ding ahcun Pathian pennak hi a biabi bik ah na ruah zungzal i Thiang Thlarau Aw zulh na th...

Nikhat cu a holh kholomi khuachiah nih a tuahmi pa Jesuh Khrih nih a damter i a holh khawh tikah mipi kha an khuaruah a har dih. Sihmanhsehlaw micheu nih an i thawh i khuachia a tthawl khawhnak cu Beelzebul tthawnnak in pei asi ko cu tiah an ti i Pathian Thlarau tthawnnak in a tuahmi asi ti kha an zumh duh lo caah Jesuh Khrih cu Pathian sin in arami khuaruahhar tuah kha an fial. Beelzebul tthawnnak in si loin Pathian Thlarau tthawnnak tuin ka damter mi asi ti hngalhternak caah hi bianabia hi a chim hna. Voikhat cu mipa chungin khuachia a chuak i dinhnak a kawl lengmang, a hmuh lo tikah a rak chuahnak inn i kirtthan ding in biakhiahnak a ngei. A hung kir i inn cu thiang hirhiar tein a rak i thenh kha a hmuh tikah amah hnak in a chia deuhmi khuachia (7) kha aa sawm hna i a umnak tthing inn ah cun an um. Cucaah a hlannak in a dongh lei ah kha mipa kha a umtuning a chia deuh tiah a ti hna. Hi kong he pehtlaiin Pathian Thlarau tthawnnak tello in chikhat lung thlennak vialte hi cu pakpalaw...

BAWIPA KAN PATHIAN NIH HNULEI, HMAILEI LE SIRLEI IN A KAN VEN OR A KAN KALPI. PHUNDANG IN KA CHIM AHCUN KAN HMAI AH A KAL I KAN HNU IN A KAN ZULH, CUHNAK IN KA DUH DEUHMI CU KANMAH SINAH A KAL. AMEN! A SULLAM CU CROSS LOGO(+) KHI ZOH LAW KANNIH HI A LAIAH KAN UM I LAMLI (4) IN A KAN VENNAK A LANGHTER. ISAIAH 52:12 Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

Jesuh Khrih nih tlangcung ah mipi a cawnpiakmi hna cu Bawipa, Bawipa nan ka ti nain ka chimmi cu nan tuah ttung loh tiah a ti hna (cucaah pei Bawipa, Bawipa a timi nih Pa sin an phan lai lo a tinak kha asi cu). Nihin zumtu tampi zong hi kan kaa cun Bawipa kan ti taktak ve ko nain kan nun in kan tuahmi nih lih na chim ti kan si. Phundang in ka chim ahcun kaa cun Bawipa asi nain thinlung chung van zoh tikah Bawipa muisan a um hrim lo. Minung poah nih kan thinlung a ummi te hi kan tuah deuhmi le kan chim deuhmi asi caah na chim deuhmi le na tuah takmi hi na thinlung tak in na rak ruahmi asi..  Nan tuah ahcun lung cung innsa mi nan si, nan tuah lo ahcun tthase cung inn sa nan si tiah ati hna. Lung cung inn cu a hmun i tthase cung sakmi inn cu a rawk. Sihmanhseh zumtu tampi cu khamh ka si cang timi mah le mah i hlennak in kan duh poah in kan nung i tthase lakah sakmi inn bantuk kan si. Zeidah naa thim deuh hnga.  A hmunmi inn maw na si? A rawk mi inn dah?  Tuah a fialmi...

Mah Baibal ka rel ah hin kan nunnak ah tampi bia a chim. Atu i  kan tuahmi le kan nunning nih hin Pathian dawtnak zeitluk thuk in dah kan hngalh timi a langhtertu an si ko. Pathian dawtnak hngalh kan timi cu mah le mah tlamtlin lonak le sualnak hmuh hi asi. Jesuh Khrih dawtnak a hngal taktak mi nih cun kaa in si loin nunnak tuin zumh awktlak tein a Bawipa caah a nung. Sihmanhsehlaw zumh awktlak in a nung lomi cu a kaa in a dawtnak ka hngalh ti hmanh sehlaw a tuahmi nih na hngal rih lo tiah bia a rak chim piak ve ko. Khrih caah zumh awktlak tein na nunnak nih a langhtermi cu na sualnak vialte kan ngaihthiam dih cang tinak asi i zumh awktlak in na nun rihlo ahcun na sual vialte ngaihthiam na si rihlo timi a langhter ve. Ziah Jesuh Khrih nih cun a kan limpiak dih cang tiah pei Baibal nih a ti cu tiah na ka hal lai nain kan leh dingmi cu Baibal cu a nungmi Pathian Bia le thaw a chuah hnawhmi, tthawnnak a ngei i a nungmi le thinlung ah rian a tuanmi asi (catlap sawh sawh asi lo) caah ...

Bawipa bochan a ka thiamtertu cu Thiang Thlarau asi i Thiang Thlarau ka ngeihnak cu Jesuh Khrih zumhnak in comi Nunnak asi. Thiang Thlarau nih cun inkhawhnak le lungsaunak a ka ngeihter i Inkhawhnak le lungsaunak nih cun teimaknak an ka pek, teimak duhnak nih cun Pathian kha thuk piin a ka hngalhter. Pathian thuk piin hngalhnak nih cun a biakam zeitik hmanh ah a let lotu asi nak kha a ka pemhter i a biakam let lotu a sinak pemhnak nih cun hnangamnak an ka pek. Hnangamnak nih cun lunglawmhnak lam ah an ka hruai i lung lawmhnak nih cun ruahchannak ah an ka kalpi. Ruahchannak hram Pathian nih cun a ka deuh loi thazang thar a ka pek taktak. Amen!            Minung phun hi mi rum he mi sifah he dam he damlomi he, mino he upa he kan dihlak in lungre thei phun le kan tonmi thil ruangah lungdongh a fawimi phun kan si. Kan i ruahning le kan i tinhning thil a hung cang lo tik le harnak le damlonak nih a kan nenh tuk tik ahcun Pathian kan i bochan ko kan timi kh...

Bawipa nangmah ttih hi fimnak le hngalhnak hramthoknak an si ti cu ka hngal. Bawipa kan ttihnak ka langhter ning cu sual ka huatnak le tthatlonak ka hrialnak hin asi. Sual ka huatnak le tthatlonak ka hrialnak nih cun Bawipa nangmah hmaiah a fimmi le hngalhthiamnak a ngeimi ah a ka ser. Amen! Sihmanhsehlaw Bawipa nangmah ttihnak ka ngei ka timi zong hi Fapa Jesuh Khrih zumhnak nih a hrinmi Thiang Thlarau tthawnnak hmual asi i Nangmah ttihzahnak in ngeihmi fimnak le hngalhnak thluachuah vialte hna zong hi na Fapa Jesuh Khrih ka chungah a nunnak thawngin asi. Amen! Jesuh Khrih a chungah a nunglomi nih cun Bawipa cu an kaa cun an ttih lai nain an tuahnak in an ttihlo kha an langhter ko. Maw Bawipa na ka fehter, na ka huhphenh zungzal, fimnak le hngalhnak na ka pek caah kaa lawm. Amen! Maw Bawipa ka ngeihmi vialte lakah Rosungbik le Man sungbik cu Nangmah ttihzah hi asi. Amen! ISAIAH 33:6 hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna....

ISAIAH 32:15 Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai. ISAIAH 32:16 Ram chung hmun kip ah mi nih dinnak le biading in rian an ṭuan lai. ISAIAH 32:17 Mi kip nih a dingmi thil kha an tuah cio caah daihnak le himnak zungzal in a um lai. ISAIAH 32:18 Pathian mi hna cu an inn ah khan daihnak le himnak a um lai i lung retheihnak in an luat lai.

JESUH KHRIH NIH KA MIN IN NAN HAL I THLA NAN CAM AHCUN NAN HMUH LAI I NAN I LAWMHNAK A TLING LAI TIAH A TIMI HI NANG ZONG THLA CU NA CAM LENGMANG VE KO NAIN NA HALMI HMUH CHIMLO, CHUNGLEI LAWMHNAK HMANH NA HMU HME MAW? FAK PIIN CHIM KA DUHMI CU BAIBAL HI PATHIAN BIA ASI TI NA HNALH LE NA ZUMH BANTUK TEIN NA CHUNGLEI AH A TLIN BAK AWK ASI. CUCAAH PEI BAIBAL LE THLACAM HI MINUNG NIH A THAWT A THEIH KHAWH LAI I REL DUHNAK LE NUNPI DUHNAK A NGEIH LAI CU... BAIBAL BIA NA DUH TUKMI THLACAMNAK HE NA HAL TIKAH ZEIDAH NA CHUNGAH A TLINGMI A UM VE??? HAL CAAN, RUAH CAAN LE TUAK CAAN ASI CANG! BAIBAL NIH A TI TIMI TIANG IN A HO HMANH I HLENTER LENGMANG TI HLAH UH. MAH CAAH PEI CHUNGLEI AH A TLIN LO CAAH BAIBAL KAN REL HUAMLONAK LE THLA SAUPI KAN CAM HUAMLONAK CU ASI CU (Jesuh Khrih a leng in hngalhmi si loin chunglei in kan ngeihmi Pathian asi). BAIBAL NIH A TI BANTUK TEIN THIANG THLARAU IN NA CHUNGAH TLING DING IN DAWH BIAKAMH NA SI KHAH, THEIH MEN SAWH DINGIN JESUH KHRIH NIH A KAN KHAMH LO, N...

Nihin riantuan ka kal pah ah ka Baibal ka van rel i cahmai kau kaa timh ah khin "TUKFORHNAK" timi tlangtar kha ka hmuh tikah lanhtak awk tthalo in ka chungah rel duhnak a ra. Ka van rel tikah Bawipa sinin fiannak ka hmuhmi le thazang kaa lakmi te hi hrawmhlo in kan um khawh lo caah ka van in hrawmh muh. Nihin i na sinah ca ka ttialmi te hi kan thih hnu zongah bia a van chim lengmang ding asi caah ka caan hi a sawhsawh hman hnak cun ka unau zumtu sin i ttanh awktlak Lam le Biatak le Nunnak asimi Jesuh Khrih ka chung ah a nung i rian a tuannak kong hi tehte khang lengmang ko ning. Satan nih tukforhnak i a hmanmi cu kan mah pum te le taksa duhnak te a hman ko ti hi ka hmuhmi cu asi. Ahman dingmi cu na mit zong asi kho ko i na kut le ke, na kaa tiang zong an si kho ko. Sihmanhsehlaw mah vialte tukforhtu cu Satan asi i kanmah taksa duhnak te kha hmang in kan thih tiang hlen a kan timh lengmang ko. Nang cu na taksa duhnak hlennak cungah naa ciah peng rih ko maw, na ciah peng rih ...

Moses nih a miphun aiawh in sui cawsa milem an ser i an biak ruangah a nawlnak cu a theih tikah Bawipa nih a timi cu "Na sinah keimah ka kal lai i teinak kan pek lai," ti hi asi. Amen! Asinain Moses nih zeitluk tiangin dah Bawipa a nawl tiah cun ka hruaimi na mi Israel hna hi an palh taktak ko, na ngaihthiam hna lo ding asi ahcun anmah aiah keimah min tu kha na sin in hnawt law anmah tu kha thiamcoh hna,ngaithiam hna tiah a ti. Mah tlukin a nawlnak thawngin kan kalpi hna lai ati  ko nain a sualmi pawl cu zoh sawh awk an ttha lai lo, an sual bantukin lehrulh an hau ko lai tiah a ti i Aaron milem ser an hnektu pawl kha rai in minung tampi a thah hna. Minung hi a ho kan si hmanh ah kanmah sualman te hi dantatnak kan ing ve ko lai. Jesuh Khrih nih a ka limpiak cang tiah Thawngtha chimtu bia in nangmah le nangmah i hnem duh hlah (an limpiak taktaknak cu Thawngtha chimtu nih a chimmi na theihnak in na chung tuah kan ngeihthiam cang ti hmelchunhnak tehte ah na sual ti lonak hin a ...

Nihin hi Vawlei cung Khrihfa vialte nih Petekos Ni tiah auhmi Ni asi. Chunglei Nunnak taktak he Jesuh Khrih a ngeimi kan caah cun sullam a ngei tuk i atthawng taktakmi lawmhnak Ni asi. Bawmtu Thiang Thlarau hi Jesuh Khrih a thih hnu ah zumtu hna sinah rak ttum hlah sehlaw siasal abiami men kan si ko hnga. Sihmanhsehlaw Jesuh Khrih nih keimah bantukin nan nung ve lai timi hmelchungnak cu Pentekos Ni i a zumtu hna cungah Thiang Thlarau in a ttumnak hin a langhter. Amen! Nihin hi Petekos Ni taktak cu asi lo nain Petekos Ni ah kan ca i a thimi Jesuh Khrih nih bia a kan kamh bantuk tein Bawmtu Thiang Thlarau cu Pa nih a kan pek taktak cang timi hngalhter tthannak lawng si loin a tu lio hrimhhrim ah hin Thiang Thlarau cu a zummi sinah a ttum zungzal ko. Amen!  A hlan ahcun Thawh thannak in ni 50 ni kha Pentekos Ni tiah auh asi i a tu kan chan tu ahcun nichiar hmanh si ti loin second pakhat chung hmanah hin Thiang Thlarau cu a zummi cungah a tlung peng rih ko caah Ni chiar te hi Pent...