Nunnak Petu Thawngṭha

Atu ah Bawipa zangfahnak thawngin ka unau asimi nangmah sinah ka chungah a kang in a kangmi le chimlo, ttiallo in ka um khawhlo mi Thlarau Bia hi ka mipum in si loin ka lungthin le thlarau telhchih in ka nun kan hrawmhmi hi na rak rel ve caah ka lunglawmhnak le ka ngeihmi zumhnak le Thawnnak hi na tingco ve ko lai tiah ka Bawipa Jesuh Khrih kaa bochan. Nihin ah minung tampi nih cun Pathian Bia kan chim tikah bia dawhnak le mi duhnak kawl in kan chim tuk i Thlarau biatak hnakin minung nih an duhmi biatha le biadawh nih Pathian Biatak a vaivuanhter chin lengmang ko hi na hmuh ko lai dah. Khrihfa kan sinak le Pathian biatu kan sinak langhtertu cu hihi na tuah lai, khakha na tuah lai lo timi ca chungah ttialmi zoh in si loin chunglei ttialmi Thiang Thlarau hruainak in asi ko kha naa cinken ko lai dah. Nang cu na chungah a nungmi Jesuh Khrih le a kangmi Pathian Bia tu hi rak chim law Biatak tu kha rak dirpi ko tiah kan nawl. A tuah ka nunnak ah tthawng ngaiin rian a ttuanmi bia hi kan ru...

Bawipa caah na nunnak na pe ve taktak in nunnak pek naa tim ve cang maw? Jesuh nih zumh lawng an hal ti lo i zeizong vialte kaltak in ka zul uh tiah auh na si!! Lenglei kanghnak si loin chunglei kanghnak taktak he Khrih tehte si ko hna usih. Apostle pawl nih an chimmi cu kan mit in kan hmuh ko mi le kan kut in kan tonghmi Jesuh kong hi tehte kan khan an ti bangin na chungah a nungmi le a kangh in a kangmi Jesuh Khrih kong hi ralttha tein tehte na khang ve lai lo maw? Jesuh Khrih hi na duh taktak in na daw taktak ve cang maw? Jesuh hi ka duh deuhdeuh, hngalh chin lengmang ka duh. Amah caah zumhtlak nun hi ka duh deuhdeuh i ka lawmhnak a ngan chinchin, Amah loin ka tlei ti loh, Thiang Thlarau he loin cun ka dang acar i ka nun a hul, second pakhat hmanh hi Amah lo cun ka thin a phang. Ka nun a hul can le ka dang a car caan i khukbil in ka thinlung dihlak he Amah ka kawl tikah chim khawh lomi chunglei lunglawmhnak nih ka thlarau nun, tihal di a riamhter i rawltam caan i rawl a thlum bang...

Zumtu hi mi tampi caah hnahnawk men le hnichuak men kan si caan hi a tampi lai ti hi ka ruat tawn. Mikip phone in, viber chungin, mail in, facebook in, kan pum in Pathian biatak kan kennak le thlahnak ah hnahnawk men le ring awn sawhsawh men kan si ko lai ti hi ka hmuhchin lengmang ko nain ka tuahmi te hi ka thih tiang ka tuah ko lai i ka lung a dong bal lai loh. Hi ruangah pei Khamh cu kan si fawm cu!!! Vanram ka phanh tikah chim awk tal ka ngeih ve awk ah! Mawhphurh awk ka cungah a um nak hnga lo ka chim lengmang in ka tuah lengmang ko lai. A tu i kan tuahmi tete hna hi zei ngai asi lo mi a lo ko lai nain Pathian hmai kan phanh tikah kan tehte le kanmah ai ah biachimtu an si ve te ko lai. Nangteh zeidah nai chim ve te lai???            A tu i na tuahmi vialte hna hi zumhnak thawngin si dih ko hna seh. Zumhnak tello in tuahmi vialte tu cu sual asi tiah Paul nih a chimmi kha philh hlah law zeithil na tuah poah ah Jesuh Khrih ruangah si dih ko hna seh....

          Bawipa nangmah ttihnak kaa thimnak hin fimnak le lunglawmhnak cu keimah ta an si zungzal lai i Nangmah hngalhnak ah na ka tthanter. Amen! Na nawlbia zulh hi a duh in ka duhter law rawltam in rawi kan ei i a kan thawt bangin ka thawtter ko. Na Nawl zulh hi kaa thim zungzal i lunglawmhnak ka hmuhnak hrampi an si, Nangmah bochannak nun hi ka caah lawmhnak phurtu le teinak ka hmuhnak hrampi an si zungzal. Amen! SALM 112:1 Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

Dawtmi unau vialte hna kanmah le cang cun vanram a kai ding lawng te ah ai ruatmi kan si cio. Abiapi mi cu kanmah tein kan kai lai ti i zumh hnak hin Pathian nih Fapa zumhnak Thawngin kan thinlung chungah Thiang Thlarau in na kai lai ti hi a biapi deuh ko hnga lo maw? Kanmah le kanmah i lunghmuih ngai ttung i hell kal khawh asi aw..... Zumtu taktak le hrinthannak a hmu cang i Thiang Thlarau in a chungah a um hnawh cang mi hna nunnak ahcun kan duhbikmi hi a kan Khamhtu Pa duhnak tuah le a kan fialmi rian lim hi asi ko. Amen! Cubantuk zumtu hna caah cun ralchiatnak a tlau duahmah, mirawi hmangnak kha kan zamtak, fih awk lungthin kha a rem in kan rem ti loh, lai nawng duhnak kha dawt duhnak in a kan thlen, nu le pa sualnak hi Pathian nawlbia ning in kan hman cang (Nuva cung lawngah hman ding), lih kan chimnak le mi kong ceih kan hmanmi kha  Khrih biatak chimnak ceihnak ah kan hman cang, zudin, kuakzuk, khaini tbk; cu kan caah hnawmmen le pakpalawng hlennak men an si kha kan hngalh ...

     A tang Cathiang thluachuah hi kan duh cio ko lai dah! Nangmah le keimah ta bak asi hih! Miding mi ca thluachuah a van ti tikah zeitlukin dah miding ka si kha ka van i hngal i ka lawmhnak a tling! Abaraham zong a zumhnak thawngin mi dingfel ah rel ve asi bantukin Khrih a zummi kannih zong mi dingfel ah Pathian nih rel ve kan si. Amen! Kanmah dinfelnak timi a tlau i Khrih dinfelnak le tthawnnak ken in anungmi le thluachuahnak a hmu zungzal mi kan si. Amen! SALM 92:12 Miding mi cu tumkung bantukin an hninghno lai i Lebanon tlang sidar thingkung bantukin an ṭhang lai. SALM 92:13 Annih cu Bawipa inn chungah cinmi thing bantuk, Bawipa biakinn chungah hninghno ngaiin a um i SALM 92:14 an tar tik hmanh ah thei a tlai lengmang i a zungzal in hring dildel in a um i a ṭhawng ngaimi bantuk an si.

Minung tampi nih mah Baibal cang te hi kan duh tuk ciomi le kan rel lengmang ciomi te asi. Mah Baibal ka rel dih i a dang rel kai tinh ah Thiang Thlarau nih ka thinlung chungah a chiahmi cu a rel lawng nan rel i nan cungah a tling lo timi bia hi asi. Cutikah ka kir tthan voi (2) hrawng ka rel tthan tikah ka hmuhmi a phi cu hihi asi: A ka dawmi le a ka hngalmi cu ka khamh hna lai i ka huhphenh hna lai ti hi asi. A sullam cu Hrinthanmi, Jesuh Khrih a ngeimi (Thiang Thlarau) in a chungah tehte a ngeimi ca lawngah mah Baibal thluachuah hi hmuh ding a rak si tinak asi. Amen! Hi Baibal chung thluachuah hi hmuh na duh ve maw? Na duh ahcun Hrinthan ve ko...        Asiah cun Pathian cu na daw in na hngal ve taktak cang maw???? Daw naisai in hngal naisai hlah! Zeitindah Jesuh Khrih hngalh loin Pathian hi dawt khawh cu asi rua hnga? Jesuh Khrih Thawngtha theih loin cun zeitindah na hngalh khawh lai? Jesuh Khrih thawngtha na theihmi hi zumhnak in na cohlan lo ahcun zeit...

2 KORIN 5:17 Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang. 2 KORIN 5:18 Hi thil vialte a tuahtu cu Pathian a si i Pathian nih cun Khrih thawngin kannih a ral a simi cu a hawi ah a kan thlen i midang zong a hawi i ser ve awk rian cu a kan pek. 2 KORIN 5:19 Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

2 KORIN 2:14 Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman. 2 KORIN 2:15 Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan. 2 KORIN 2:16 A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai? 2 KORIN 2:17 Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

         Zeitlukin dah Pathian na ttanh le na zumh, na dawt ti hi ni fale na tuahsernak in na nunpimi cungah hin a lang! Chimnak cungah si loin Khrih nawlbia na nunpimi cung tuah hin Pathian na dawt cu a lang deuh. Thawngtha poahpoah hi na zumhmi Pa nun hrawmhmi na nunpinak nih atlaimi tu hi asi chin lengmang awk asi. Cucaah Pathian dawt cu a nawl na zulh hi asi ko. Zeitik hmanh ah nawl zulh timi bia hi a fawi ballo tihi na fiang ko lai dah! Sihmanhsehlaw kanmah minung sinak nih a zulh khawh lo caah bawmtu Thiang Thlarau cu pek kan si i kan caah a fawimi te asi, mi tampi caah a fawi lo hmanh ah kannih caah cun afawi. Aruangah cu Thiang Thlarau hruaining in kan kal i kan zulh caah asi! Amen! Bawipa nih sunparnak co ko seh! Pathian biatak ah dek tein dir naa tim ve cang maw??? 1 JOHAN 5:3 Zeicahtiah, Pathian kan dawt ti cu a nawl kan zul tinak a si ko. Cun a nawlbia cu kan caah a har tuk lo,

       Khamhnak kan hmuh cu a thisen in kan zeizong vialte a kan cawtu Pa kan zumhnak thawngin kan caah a tuahmi vialte le a inmi vialte biakamnak fehtertu hi kan chungah a tlinter i Khamh ciami kan sinak le Amah ta kan sinak aamahkhan caah Thiang Thlarau in ka chungah tehte a khannak hin a fale kan sinak cu a fehter. Amen! Cucaah kan sualnak le palhnak phuang loin kan um khawh lonak a ruang cu Thiang Thlarau in kan chung in kan chungah rian a tuan cang caah keimah dinnak timi kha a hloh i Amah dinnak tuah a kan dirter cang caah hin asi. Amen!   Nihin hrinthannak a hmumi kan nih vialte hna hi sual ngeihchihnak le kan sual kan phuan caah maw Khamhnak hi kan hmuh! Sihlah! Sualphuannak kan ngeih khawh cu ka sining vialte a kan hmuhtertu Jesuh Khrih kan chungah a nung cang caah asi. Amen! Sual phuan a sullam cu khamh rih lomi hna caah si loin Khamhnak a hmu cangmi hna nun i Khrih Thlarau riantuannak a langhtertu hmelchunhnak tu a si. Amen!     ...

SALM 27:10 Ka nu le ka pa hmanh nih khin hei ka hlaw hna seh law, Bawipa nih cun a ka zohkhenh ṭhiamṭhiam ko lai.

             Mikip nih Jesuh Khrih Thawngtha le Khamhnak biatak hi zumh cio asi. Cu thawngtha kan theihnak le zumhnak cun Hrinthannak kan hmu i zungzal nunnak kan co lai tiah ruahchannak a ngeimi kan si. Chim ka duhmi le hal kan duhmi cu hi hi asi: Thawngtha asimi Jesuh Khrih nih na sual an ngeihthiamnak le Nunnak an peknak na zumhnak ah hin fek tein na tleih peng in na hmun penng ve maw? ti hi kan hal duhmi cu asi. Na tlaih peng ko i na ruahchannak nih an lawmhter ahcun Thawngtha asimi Jesuh Khrih cu na chungah a um taktak tinak asi. Amen! Sihmanhsehlaw cucu na tlaih peng lo le na zumhnak ah na hmunh lo ahcun na lung na rak i thlennak kha pakpalawng bak asi tinak asi hnga!                         Asi ahcun minung tthawnnak hin Jesuh Khrih caah zumhtlak tein nun khawh peng le tthatnak hi tuah khawh peng in mah le mah hi i uk khawh asi peng ve maw ti hi nan ka hal hnga! Kan lehnak cu ...

1 KORIN 9:25 Zuamnak ah tel a duh vemi nih cun timhtuahnak ah khan fel tein an um tawn. Cuti i an um cu a uai khomi pangpar lukhimh hmuh awk caah khan a si; asinain kannih tu cu zeitikhmanh i a uai lomi pangpar lukhimh hmuh awk caah khan a si. 1 KORIN 9:26 Kei cu ka tlik tikah tinhmi kawl fiang tein ka ngei; kaa thongh tikah a ping a pang a thongmi bantuk ka si lo.

1 KORIN 4:1 Kannih cu Khrih sal, Pathian biathli kengtu ah khan nan kan ruah awk a si. 1 KORIN 4:2 Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

KHRIHFABU KIP HI PATHIAN NIH UM HNA SEH TIIN A RAK KAN CHIAH NING IN KAN CAWLCANGH AWK A RAK SI. KAN KHRIHFABU CIO AH HIN TEH ZEIDAH A BAU VE HNGA? A CHAANG CHANG TEIN AI TTIALMI HI RUAH LO AWK A TTH LOMI ASI! NIHIN KHRIHFABU KIP NIH A NGEIH AWK ASI I CU CU PATHIAN NIH SISEH TIAH A RAK CHIAHMI ASI, KHRIHFABU CU KHRIH PUM ASI I KANNIH HI A NGE KAN SI. BAWIPA NA DUH NING IN LE NA TINGNING BAK IN NA KHRIHFABU HI CAWM  LAW HRUAI CANG KO TIAH KAN NAWL! ATANG AH HIN AI PEH TETE IN VAN REL VE LAW, KHRIHFABU NIH HMAI AI THLAK CEMMI LE KAN CAWLCANGH CEMMI LE KAN NGEIHMI LAKSAWNG HNA HI ZEIDAH AN SI CIO VE HNA!  1) LAMKALTU 2) PROFET  3) CAWNPIAKTU 4) KHUARUAHHAR TUAHTU 5) DAMTER KHAWHNAK 6) MI BAWMH KHAWHNAK 7) HRUAITHIAMNAK 8) HOLH THEIHLO HOLH KHAWHNAK HNA HI KHRIHFABU NIH A NGEIH HRIMHRIM AWK AN SI. MAH VIALTE ZONG HI KHRIH A PUM ASIMI KHRIHFABU TTHANNAK DING CAAH ASI I THIANG THLARAU TTHAWNNAK THAWNGIN LAKSAWNG KAN HMUHMI HNA AN SI. AMEN! MAH VIALTE LAK...

1 KORIN 15:22 Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai. 1 KORIN 15:23 Asinain a ningcang tein a si lai: a hmasa bik ah Khrih, cun a rat caan ah Khrih ta a simi. 1 KORIN 15:24 Cu tikah donghnak cu a phan lai; Khrih nih khan thlarau lei uktu hna le nawl ngeitu hna le ṭhawnnak vialte kha a tei dih hna lai i Pennak cu Pa Pathian sinah khan a pek lai. 1 KORIN 15:25 Pathian nih ral vialte cu a tei dih hna i a ke tangah a chiah hna hlantiang Khrih nih cun a uk hna lai. 1 KORIN 15:28 Zeizong vialte cu Khrih uknak tang i chiah an si dih tikah Fapa zong nih cun zeizong vialte a tang i a chia dihtu Pathian tangah cun aa chia lai i Pathian nih cun zeizong vialte kha a uk dih cikcek hna lai.

LAMKALTU 14:22 Zumtu hna kha thazang an pek hna i nan zumhnak ah khan fek tein hmun ko u, tiah an forh hna. "Pathian Pennak chung luh awkah hin harnak tampi kan ton a hau," tiah an cawnpiak hna.

LAMKALTU 11:23 A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

    Mah Baibal cang te hi sullam a ngeituk mi asi i sawh duhmi le tial hnawhchanmi a ngei. Cu cu JESUH KHRIH nih a PA a nawlnak thawngin NUNNAK le TLANHNAK kan hmuhnak ding hmanthlak asi. Amen! Bawipa nih in fianter ko seh. ESTHER 7:3 Khi tikah Esther Siangpahrangnu nih cun a leh i, "Na hmaiah mithmai ṭha ka hmuh a si ahcun, maw siangpahrang, cun siangpahrang na duhnak a si ahcun, kan nawlnak ah hin ka nunnak hi ka pe ṭhan law kan halnak ah hin ka miphun hi ka pe ṭhan tuah.

            Ahasuerus siangpahrang hi ram 127 a ukmi asi i a lianngannak a kut tang pawl a hmusak hna hmanh ah kum cheu a rau mi asi. Mah dih hnu ah Susha khua ah nisarih puai a tuahpiak hna, cu ni ahcun ZU nih a lawmhter ciammam i a nupi cu mi vialte hmaiah ai dawhnak langhter dingin a kawhter hna. Sihmanhsehlaw an nu nih a duh lo caah a ruahning lo piin tthennak a hung chuak. Keimah le keimah kai halmi cu vawlei ka nun chungah hin, nihin ni tiang hrimhrim ah hin zei cem nih dah a ka lawmhter i hnangamnak taktak hi a ka pek ti hi asi. Nang teh zei nih dah an lawmhter bik???         Ka thlacamnak cu hi hi asi: Bawipa vawlei cungah a ka lawmhtertu bik hi nangmah thisen si ko seh, Jesuh Khrih nangmah le na min tthawnnak, zungzal NUNNAK min cazin chungah ttial ka si ruangah hin si zungzal ko seh ti hi asi. Amen! Vawlei in thluachuah kan hmuhmi thil vialte hna hi nangmah thisen man in a luangmi le na kutneh dawh aitelmi si zung...