Nunnak Petu Thawngṭha

Dear Khrih chung chuak unau hna, Nunnak petu thawngtha ka rak in hrawmh tthan hna. Bawipa nih thinlung, taksa le Thlarau damnak in pe cio ko hna seh. Kan nih i kan rian cu Bawipa sin ah lunglawmhnak chin lengmang hi asi ko.  LUKA 1:13 Sihmanhsehlaw vancungmi nih cun a thawh i, "Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai. Zumtu U le Nau vialte hna Zekhariah le innchungkhar zong nau an ngeih lo caah Pathian sin ah thla an rak cam lengmang ti hi mah Baibal nih a kan hmuh sak. Sihmanhsehlaw an tar hnu piah nau kan pek hna lai tiin van cung mi nih a rak chimh hna. Ni hin ni tiang zumh ngamnak in Fanu le Fapa ngeih duh ruang ah mitthli he thlacam in Bawipa sin ah ahal mi vialte Bawipa nih an theihpiak ko hna i nan zumh bantuk tein an pek hrimhrim ve ko hna lai. Kan zumhnak tu hi amah cung ah hmun zungzal ko seh. Cu lawng si loin nan mah le innchungkhar cio nih kan herh/ kan b...

EXODUS 7:1 Bawipa nih khan Moses cu a thawh i, "Zohhmanh, nangmah cu Faro caah Pathian bantuk ah kan ser lai i na u Aaron nih na profet bantukin a sinah bia a chim lai. EXODUS 7:2 Na tuah awk a si tiah kan chimhmi vialte kha Aaron cu na chimh lai i Aaron nih cun Faro kha, Israel mi cu hi ram hin chuahter hna, tiah a chimh lai. EXODUS 7:3 Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain EXODUS 7:4 na bia a ngai duh lai lo. Cu tikah ka ṭhawnnak cu Izipt ram ah khan ka langhter lai i Izipt mi kha fak piin dan ka tat hna lai; cun ka ralkapbu, Israel mi kha Izipt ram cun ka chuahpi hna lai. EXODUS 7:5 Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai," a ti. EXODUS 7:10 Moses le Aaron cu Faro sinah khan an va kal i Bawipa nih a fial hna bang khan an va tuah. Aaron nih khan a ṭhiangṭhunh cu Faro...

         Abraham cu atar ngaingai cang i zei thil atuahnak cung poah ah Bawipa nih thluachuah apek. A sal upa bik pa kha ka phei tangah na kut chia law van le vawlei sertu Pathian min in ka fapa Isak caah Kanaan nu ka tthi hrimhrim lai lo tiah bia ka kam ti kan duh. Ka chuahkehnak ram ah na va kal lai i ka rualchan hna chung khan ka fapa caah nupi na va thit lai tiah ati. Abraham cu Pathian nih kanaan ram hi a kamhmi le thluachuah kan pek lai ati mi asi caah a tefa hna nih an chuahkehnak kir kha asianh bak hna lo ti kha kan hmuh khawh i ram dang nupi thit zong kha a duh bak fawn lo ti zong kan hmuh chih khawh. Asalpa nih cun atha ko, na rualchan nu ka thit piak ko lai. Amah belte ka tthit mi ngaknu nih khan hi ka ram ah hin rat duh hlah seh law zeitindah ka tuah lai tiah a hal. Vancung Pathian Bawipa nih a vancungmi kha na hmaiah a thlah hna lai i ka pa inn le ka sahlawh rualchan vialte hna sinah ka fapa nupi ding cu na va hmuh ko lai tiah aleh. Abraham he bia...

Dear khrih chungchuak unau hna,       Nunank pet thawngtha ka rak in hrawmh tthan hna. Reltu nan dihlak cungah Bawipa nih Daihnak le lawmhnak thluahchuah inpe chin ko hna seh. MATTHAI 9:2 A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, "Ka fapa, na lung dong hlah! Na sualnak cu ngaihthiam na si cang," tiah a ti.      Ni hin ah kan mah nih i phurh khawh lo tiang in kan sualnak hi atam i kan thilrit nih a kan nehtuk cio. Cu lawng si loh harsatnak, lungretheihnak, buaibainak le dam lonak vialte nih a nenh in a kan nenh. Sihmanhsehlaw kan Bawipa Jesuh nih cun na si ningpi le na thilritpi in le na dam lo nak vialte, na sual ning piin rak ra ko, na sualnak cu ngeihthiam na si lai i na thilrit vialte cu kan chan lai i damnak cu pek na si lai tiah ni hin ah bia akan kamh. Amen! Jesuh Khrih nih cun nunnak pek ding in sual ngeihthiam ding le damnak pek ding in thawngtha he a rak k...

EXODUS 3:2 Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo. EXODUS 3:3 Cucaah cun, "Ka hei naih deuh lai i ka hmuhmi thil khuaruahhar khi ka va zoh tuah lai. Zeicahdah burbuk khi a kangh dih kun hnga lo?" tiah a lung chungin a ti. EXODUS 3:5 Pathian nih cun, "Ra naih deuh ti hlah. Na kedan kha i phoih, na dirnak hmun kha hmun thiang a si. EXODUS 3:6 Kei cu na pa i a Pathian, Abraham Pathian, Isak Pathian, Jakob Pathian kha ka si," a ti. Moses nih khan Pathian zoh cu a ṭih caah a hmai kha aa khuh. EXODUS 3:6 Kei cu na pa i a Pathian, Abraham Pathian, Isak Pathian, Jakob Pathian kha ka si," a ti. Moses nih khan Pathian zoh cu a ṭih caah a hmai kha aa khuh. EXODUS 3:7 Cun Bawipa nih cun, "Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fa...

Dear Khrih chungchuak unau hna,                 Nunnak petu Thawngtha ka rak in hrawmh tthan hna. Reltu nan dihlak Bawipa nih alet tampi in Thlarau damnak in pe hna sehlaw taksa le thinlung damnak zong in chap chih ko hna seh. MARKA 12:30 Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai,' ti hi a biapi bik cu a si. MARKA 12:31 Cun a pahnihnak cu, Na innpa kha nangmah naa dawt bantukin na dawt lai, ti hi a si. Hi hna pahnih nakin a biapi deuhmi nawlbia dang an um ti lo," tiah a ti.              Acung i Baibal hi kan theih lengmang mi an si nain zapi nih kan ruah ning ah mi caah maw? Asi loah phungbia cawnpiaktu hna bia a leh hnanak asi kan ti khawh men. Asinain Azungzal in Baibal kan rel tikah mi dang caah si loin areltu nangmah le keimah caah a kan chimhmi le cawnpiakmi asi zungzal ti hi i f...

EXODUS 1:6 Josef le a unau pawl vialte cu an thi dih, cu chanmi cu an dihlak in an thi dih. EXODUS 1:7 Asinain Israel mi nih cun fa tampi an ngeih hna i an tam tuk i an ṭhan tuk hringhran caah cu ram cu an khat dih. EXODUS 1:10 An tam chin lengmang ti nakhnga lo an cungah fim ngaiin kan ṭuan a hau lai. Ral a thawh sual ahcun kan ral hna sin tu ah khan an i ṭawm lai i kanmah kha an kan doh lai i kan ram hin an chuak lai," a ti hna. EXODUS 1:11 Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak. EXODUS 1:12 Sihmanhsehlaw Izipt mi nih Israel mi cu fak deuh in an hrem hna paoh ah tam deuh in an karh i kau deuh ah an i ṭhek. Izipt mi nih cun Israel mi cu an huat hna i an ṭih hna; EXODUS 1:16 "Hebru nu pawl kha fa nan ngeihter hna tikah, pa an si ahcun nan thah hna lai i nu an si ahcun nan nunh hna lai," tiah a ti hna. ...

         Abaraham cu Pathian kawh auhnak in Haran khua in a chuah tikah Lot zong ai kalpi ve. Kanaan ram an phanh tikah Pathian nih thluachuah apek hna i an rum ngaingai, Satil tampi le sui le ngun tampi an ngei hna. Nikhat cu an satil cawngtu hna kha an i sik lengmang ruangah le an umnak ram nih an satil atlum ti hna lo caah Abraham le Lot cu ram an i then i lot nih cun ram tthatnak Jordan nelrawm cu a ningpi in ai thim. Lot cu Abaraham he ram an i then hnu ah Sodom khua ah cun khua asa i Pathian nih thluachuahnak zong tampi apek. Voikhat cu Lot umnak Sodom cu ral nih an rak tuk hna i an tei hna caah Lot le a innchungkhar zong cu Siangpahrang pali hna nih an kalpi hna kha Abraham cu an chim i minung (318) he an va dawi hna. Pathian sinah akal hlan ah thlacamnak te he a kal i Bawipa nih a umpi caah an va tei hna i Lot te innchungkhar zong cu an khua teah akirpi than hna. Ral teinak in atlungpah ah Salem Siangpahrang Melkhizedek, Cung Nung Bik Pathian tlangbawi...

GENESIS 49:1 Jakob nih a fapale kha a auh hna i, "I pum u law, hmailei ah nan cungah zeidah a tlung lai ti kha kan chimh hna lai," a ti. GENESIS 49:3 "Reuben, nangmah cu ka hrin hmasa bik, ka ṭhawnnak le ka thazang theitlai hmasa bik, ka fale vialte lakah kaa chawr bik le a ṭhawng bik na si. GENESIS 49:5 "Simeon le Levi hi unau an si, an hriamnam cu thil ṭhalo tuahnak ah an hman. GENESIS 49:7 An thinhunnak cu ṭih a nun tuk caah an cungah chiatserhnak nih tlunhnawh hna seh, an thinlinhnak cu a puarhran tuk caah chiat nih tlunhnawh ko hna seh. Jakob ram chungah ka ṭhek hna lai i Israel mi lakah ka ṭhen dih hna lai. GENESIS 49:8 "Judah, na unau nih an in thangṭhat lai. Na ral cu an hngawng in na tlaih hna lai; Na unau hna kha na hmaiah an kun lai. GENESIS 49:13 "Zebulun cu rili kamah khua a sa lai, a rili tlang hna cu lawng dinhnak hmun an si lai; a ram cu Sidon tiang a phan lai. GENESIS 49...

Dear Khrih chungchuak unau hna,                 Nunnak petu Thawngtha ka rak in hrawmh tthan hna. Reltu nan dihlak Bawipa nih alet tampi in Thlarau damnak in pe hna sehlaw taksa le thinlung damnak zong in chap chih ko hna seh. MARKA 6:41 Cun Jesuh nih khan changreu tlang nga le nga pahnih cu a lak hna i van kha a zoh i Pathian sinah lunglawmhnak bia a chim. Changreu cu a cheu hna i a zultu kha a pek hna i mizapi kha pe hna u, tiah a ti hna. Cun nga pahnih zong kha an dihlak in a phawt hna. MARKA 6:43 Cun a zultu hna nih khan changreu ṭiltlawt le nga ṭiltlawt cu sei hleihnih khat an char. Acung i Baibal cacang hi nan theih lengmang mi asi. Jesuh le a zultu hna cu mibupi nih thawngtha vuai tein an ngeih hnu ah mibupu cu an lawipah ah an rawl a tam lai i an abu ava hri sual lai ti kha Bawipa Jesuh nih a phan ngaingai. Adawt mi hna fa le harsatnak ton hi asiang in a kan siang hrim lo. Amen! ...

             Vawlei cung mi vialte hi Noah fapa le hna nih hrinthlak mi lawngte kan si. Noah fapa pathum lak ah hin upa bik Shem hin thluahchuahnak le Pathian nih thim khunmi asi nak alang. Adam nih fapa angeihmi ah Seth hlan ah Kain aum ko nain fa upa rocotu ah Seth hi Pathian nih athim bantuk in Noah fale zongah hin Upabik Shem hi ahlei in thluachuah pek dingah athim ve. Chim duhmi cu Seth cii ruang chung in Noah a chuak i Shem chung hin Abram te pawl zong an chuak ve. Pathian nih Noah le fapa hna cu thluachuahnak apek hna i fa tampi an ngei, vawlei ah cun an karh chin lengmang. Buanchukcho in kum hnih hnuah Shem nih fapa angeih, Shem a fapa hi kum 403 anung. Cu ti cun an fapa le upa bik changchang cun an van izul i Shem in Peleg chan, chan 5 nak ah hin cun kum 209 lawng an nung cang. Cu cu Pathian nih minung hi kum 120 cung nung ka sianh ti hna lo ati mi kha a van tling cuahmah. Shem in Abram pa Terah tiang hi chan (10) arau i Terah cu kum 205 a ...

Dear Khrih chungchuak unau hna, Nunnak petu thawngtha ka rak in hrawmh tthan hna. Thinlung, taksa le Thlarau damnak Bawipa nih inpe cio ko hna seh. LUKA 5:28 Levi cu a tho i, zeizong vialte kha a kaltak i a zulh. Levi cu Bawipa Jesuh nih ka zulh a ti tik ah lung awtawm loin le sining dihlak he nunnak dihlak pek in azulh. Zeizong vialte a kaltak ti tik ah hin a rak tuah tawnmi that lonak vialte kha akaltak ti nak asi. Zumtu poah poah cu sualnak kaltak hi kan rian nganbik asi. Amen! LUKA 5:31 Jesuh nih a thawh hna i, "A dammi nih sibawi an herh lo, a zawmi lawnglawng nih an herh. Kan Bawipa Jesuh hi mah sualnak ai hmu lo mi caah le mi ding i ai ruat mi hna caah si loin misual mi le mitha lo mi le mi tlamtling lo mi, mi sifak mi hna le chambaunak in a khat mi hna ca i ara mi asi. Amen! Nang le kei nih zei dah kan hngah lengmang ti, fuh in panh cang usihlaw damnak, lawmhnak, hnangamnak le sifahnak in rumnak ah a kan thlen piak lai i kan sualnak cu a kan ngeihthiam l...

MATTHAI 18:10 "Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko. MATTHAI 18:13 A hmuh tikah sawm kua le pakua a tlau bal lomi cung nakkhan hi tuu pakhat cungah hin aa lawm deuh. MATTHAI 18:14 Cu bantukte cun, vancung khua i a ummi nan Pa nih, hi ngakchia tete pakhatte hmanh hi tlauter a duh hna lo. MATTHAI 18:33 Na cung i zaangfahnak ka ngeih bantukin pei na sal hawi cungah na ngeih ve awk a si cu,' tiah a ti. MATTHAI 18:34 An bawipa cu a thin a hung ngaingai i a salpa cu a leiba a lim khawh dih hlantiang thong ah a thlak. MATTHAI 18:35 "Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai," tiah a ti hna. MATTHAI 19:29 Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a ...

Dear Khrih chungchuak unau hna,          Nunnak petu thawngtha ka rak in hrawmh tthan hna. Reltu nan dihlak cungah Bawipa nih thluahchuahnak inpe ko hna seh. LUKA 11:13 Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai," tiah a ti. Kan theihcia tete Baibal cang in thazang latti ding in ka van in sawm tthan hna. Pathian bia hi kan rel lengmang cio ko nain atak in a tthawnnak hi kan ngeih lo kan ti lai maw? Ahman kan thiam lo kan ti lai maw? Thiang Thlarau pek kan si rih loh kan ti lai dah! Ruah a cu cang, nihin ah zumtu nang le kei zong nih kan chuahka in ni hin tiang hi khrihfa kan si kan ti, zumtu kan si kan ti ko nain kan nun ning le kan zumhnak i atheitlai tete hi zohchunh awk le cawn awktlak nun atlawm tuk tiin ka hmuh. Minung hi palhnak le chambaunak le sualnak in akhat mi kan si ko lio ah kan sualnak cu Jesuh n...

MATTHAI 13:16 "Nannih tu cu, nan van a va ṭha thiam dah. Nan mit nih a hmuh i nan hna nih a theih. MATTHAI 13:47 "Vancung Pennak cu rili chung i chehmi sur, nga phun zakip a tlaitu bantuk a si. MATTHAI 14:28 Cun Peter nih khan a hun chawnh i, "Bawipa, nangmah na si taktak ahcun, na sinah ka ke in ti cungin ka ratter tuah," tiah a ti. MATTHAI 14:30 Sihmanhsehlaw thlitu a fah zia kha a vun hmuh tikah a thin a phang i ti chungah cun a pil cuahmah i, "Bawipa, ka khamh tuah," tiah a au. MATTHAI 15:11 Mi cu a kaa chung i a lutmi nih a thurter lo, sihmanhsehlaw a kaa chungin a chuakmi tu nih hin a thurter," a ti hna. MATTHAI 15:18 Sihmanhsehlaw kaa chungin a chuakmi thil cu lung chungin a chuakmi thil an si i cu hna nih cun mi cu an thurter. MATTHAI 16:17 Jesuh nih cun, "Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekm...

MATTHAI 8:28 Jesuh cu Rili khattelei ral Gadarin mi hna ram kha a va phan i, miruak vuinak lungkua chungin a ra chuakmi mi pahnih nih an rak ton. Hi hna hi an chung i khuachia a ngeimi an si i ṭih an nun tuk hringhran caah cu lam ah cun ahohmanh an kal ngam lo. MATTHAI 8:26 Jesuh nih cun, "Zeicahdah cu ti lawmmam cun nan thin a phan? Nan hei ka bochan lo hringhran dah!" tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan. MATTHAI 9:18 Cu bia cu Jesuh nih a chimh lio hna ah khan, Judah mi lak i bawi pakhat a simi kha a sinah a ra i a hmaiah a khuk aa bil i, "Tunaite ah khan ka fanu a thi, sihmanhsehlaw ra law a cungah na kut ra chia law a nung ko lai," tiah a ti. MATTHAI 9:22 Jesuh cu a hun i mer i minu cu a hmuh i, "Ka fanu, na thinphang hlah! Na ka zumhnak nih an damter cang," tiah a ti. Cu caan te ah cun minu cu a dam colh. MATTHAI 9:28 Jesuh cu inn chung i a luh tikah khan mitcaw...

Dear Khrih chungchuak unau hna, Nunnak petu Thawngttha tawite ka rak in hrawmh hna. Bawipa nih Thluachuahnak kan pek piak ko seh. MATTHAI 8:2 Cun thinghmuipa pakhat kha a ra i a hmaiah khuk bil in a kun i, "Bawipa, na duh ahcun na ka damter khawh ko," tiah a ti. MATTHAI 8:3 Jesuh nih a hei banh i a tongh i, "Ka duh. Thiang ko cang," tiah a ti. Chikkhatte ah a zawtnak khan a thiang.    Jesuh nih nangmah le keimah zong damter a kan duh ve, thinlung, taksa le Thlarau in dam na duh ve maw? Na duh ve ah cun thinghmui pa bang lungthin dihlak le ruahnak dihlak in Jesuh Khrih rak panh cang law Bawipa dam ka duh ve ti cio cang hna usih. Na dam hrimhrim ko lai. Jesuh cu kan zeizong vialte le kan damnak asi. Bawipa nih sunparnak co ko seh. Amen!

Dear Khrih chungchuak unau hna,           Nunnak petu thawngtha ka rak in hrawmh tthan hna. Ataktak le ngaingai in anungmi Pathian rian lawng hi kan tuan awk le kan thangtthat awk asi nain taksa in kan nun rih ruangah hin taksa rian kan tuan lengmang rih ko. Sihmanhsehlaw kan nun chung teah hin Kan mah le si khawh ning cio in Bawipa riantuan ding hi timh caan asi cang. Nikhat ah nazi pakhat te tal hi cu Baibal Thiang relnak le thlacamnak ngeih khawh cio izuam hna usih. Bawipa nih sunparnak co zungzal ko seh. LUKA 2:10 sihmanhsehlaw vancungmi nih cun a thawh hna i, "Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai. Acung Baibal zong hi Christmas lai i rel lengmang mi le theih lengmang mi asi ko nain thazang latti ding in kan sawm hna. Tuukhal pawl sin ah Bawipa van cung mi cu an ceunak in an hmuhbal lo mi khuaruahharnak he an langh tik ah...

GENESIS 46:2 Pathian nih Israel cu zan ah langhnak in a chawnh i, "Jakob, Jakob," a ti i anih nih, "Asi, na salpa nih ka ngaih ko," tiah a leh. GENESIS 46:3 "Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai. GENESIS 46:4 Izipt ram ah cun ka vun in kalpi lai i na tefa cu hika ah hin ka kirpi ṭhan hna lai. Na thih tikah Josef nih an umpi lai," a ti. GENESIS 46:26 Jakob tefa Izipt ram i a kalmi kha a fapale nupi hna rel loin sawm ruk le paruk an si. GENESIS 46:27 Izipt ram ah khan Josef nih fapa pahnih a hrin hna i Jakob innchungkhar mi dihlak Izipt ram i a kalmi cu sawm sarih an si. GENESIS 46:29 Josef nih cun a rangleng kha a timhter hna i a pa Israel don awkah khan Goshen ah cun a kal. An i ton tikah a pa cu a hngawng in a kuh i a kuh bu cun saupi a ṭap. GENESIS 46:30 Israel nih Josef cu a thawh i, "Nangmah kan hmuh cang hnu le na n...

Dear Khrih chungchuak unau hna,         Nunnak petu thawngtha ka rak in hrawmh tthan hna. Ataktak le ngaingai in anungmi Pathian rian lawng hi kan tuan awk le kan thangtthat awk asi nain taksa in kan nun rih ruangah hin taksa rian kan tuan lengmang rih ko. Sihmanhsehlaw kan nun chung teah hin Kan mah le si khawh ning cio in Bawipa riantuan ding hi i timh cio ko hna usih. Nikhat ah nazi pakhat te tal hi cu Baibal Thiang relnak le thlacamnak tal hi cu tuah khawh cio izuam hna usih. Bawipa nih sunparnak co zungzal ko seh. LUKA 7:41 Jesuh nih cun, "Tangka cawihtupa sinah lei a bami pahnih an um. Pakhat nih ngun tangka za nga a bat i a dang pakhat nih sawm nga a bat. LUKA 7:42 An pahnih tein an cham kho veve lo, cucaah a ngaihthiam hna. A si ahcun, aho nih khan dah amah cu a dawt deuh lai?" tiah a ti. LUKA 7:43 Simon nih cun a thawh i, "Ka ruahnak ah, tam deuh a ngaihthiammi nih khan ta a dawt deuh lai," tiah a leh. "Na hmaan," tiah Jesuh nih a ti. ...

GENESIS 42:3 Cucaah Josef ule pahra kha Izipt ram i rawl vung cawk awkah khan an kal. GENESIS 42:6 Josef nih cun Izipt ram uktu a si bantukin rawl cu vawlei cung mi vialte kha a zuarh hna. Cucaah Josef ule zong cu an ra i a hmaiah cun an kun. GENESIS 42:9 Anmah kong i mang a manhmi kha a hun hngalh i, "Mingiatu nan si; kan ram a dernak zawn kawl awkah nan ra," a ti hna. GENESIS 42:15 Nan si si lo hngalhnak ah kan hneksak hna lai: Faro min chalh in chiat ka ser, nan nau hniang bik hika i a rat hlan cu nan kir kho lo. GENESIS 42:16 Cucaah cun mi pakhat i thlah u law amah cu va ko u. Nan chimmi bia hi a hmaan le hmaan lo aa hliah hlan cu a dang cu thong ah nan um lai. Cu ti a si lo ahcun, Faro min chalh in, mingiatu nan si hrimhrim ko," a ti. GENESIS 42:19 Nannih cu lihchim lomi nan si ahcun, thong i an in thlak hnanak inn ah khan pakhat lawng nan taang lai i a dang cu rawl ei awk a ngei lomi nan innchungkhar hna sinah khan nan rawl cawkmi ...

Dear Khrih chungchuak unau hna, Nunnak petu thawngtha ka rak in hrawmh tthan hna. Bawipa nih daihnak le lawmhnak he in hruai cio ko hna seh. LUKA 18:5 sihmanhsehlaw a donghnak ah cun, 'Pathian cu ka ṭih lo i minung kha ka hmaizah hna lo nain, hi nuhmeinu nih hin hnahnawhnak a ka pek lengmang caah a bia cu ka ceihpiak ko lai; cu lo ahcun a ra lengmang ko lai i ka re lam a ka theihter chin lai,' a ti," tiah a ti.        Pathian bia in thazang latti than hna usih. Acung i Baibal cang hi van rel tik ah ka nun ah a um ngai mi cu mah tarnu zong nih Pathian zong zum lo mi le minung zong zei ah a rel lo mi biaceihtu sin ah ka bia ka ceihpiak ko tiah a va fuh lengmang tikah biaceihtu nih hna lam a ka hnawh a bia hi ka ceihpiak ah attha ko lai tiah biakhiahnak a ngeih cang ti kan hmuh. Khah nang le kei zong lung dong loin kan Bawipa sin ah thlacamnak he hal lengmang ah cun pek kan si ko hnga lo maw? Afiang tuk ko teh! Minung hmanh nih pei pitarnu kong ceihpiak a...

MATTHAI 1:17 Cucaah Abraham in David tiangah chan hleili, David in Babilon i sal i an tan tiangah chan hleili, sal i an tan in Messiah chuah tiangah chan hleili a si. MATTHAI 3:8 Nan sualnak nan i ngaihchihnak cu nan theitlai in langhter ngat u. MATTHAI 3:11 Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo. MATTHAI 3:15 Sihmanhsehlaw Jesuh nih cun, "Atu cu hitihin si ko seh. Pathian nih tuah awk a si a timi paoh cu i tuah ko seh," tiah a leh. Cucaah Johan cu a hna a tla ve. MATTHAI 3:17 Cun vancung in aw pakhat a rung thang i, "Amah hi ka dawtmi ka Fapa a si, Amah cungah hin ka lung a tling," tiah a ti. MATTHAI 4:1 Cun Thlarau nih Jesuh cu, Satan nih rak tukforh awkah, ramlak ah a kalpi. MATTHAI 4:9 ...